YADDA AKE WAINAR DANKALI

ABIN BUKATA
Dankali guda 3 manya
Man Suya (man gyada ko vegetable ko maka man cin su)
Kwai guda 2
Filawa kadan
Garin Tsidugu (Cayanne Pepper)
Garin Kanunfari (Clove)
Gishiri
SHIRYAWA
Da farko a fere dankali a wanke shi
Sannan sai a kankare shi (grating) a cikin kwano (bowl) a zuba ruwa ya rufe shi
A barshi a cikin ruwan tsawon miti 20 zuwa 30 …
“Barin shi a cikin ruwa zai hana shi yin baki, kuma jikon zai sa shi yayi laushi”
HADAWA
Da farko sai a samu kwano a fasa kwan nan guda biyu a ciki
A zuba masu Gishiri, garin Tsidugu (Cayanne Pepper) da garin Kanunfari (Clove) da ‘yar fulawa kadan a karkada.
A dauko jikon dankalin nan a tsiyaye ruwan daga ciki kuma a matse ragowar ruwan  jikin dankalin. Sai a dauko kawo hadin kwan da akayi a sama a zuba a ciki a kwaba.
A samo kwanon suya (frying pan), a daura a kan wuta, a zuba masa mai (dai dai kamar na suyar kwai).
Sai a kawon kwabin nan a zuba kadan kadan kanana. Idan gefe daya ya soyu sai a juya dayan gefen (kamar yadda ake suyar kwai).